ಇವತ್ತು ವೆನಿಲ್ಲಾ ಕೇಕ್ ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:
ಬೇಕಾಗುವ ಸಾಮಾಗ್ರಿಗಳು
1 ಕಪ್ ಮೈದಾ
1/3 ಚಮಚ ಬೇಕಿಂಗ್ ಪೌಡರ್
2 ಮೊಟ್ಟೆ
ಅರ್ಧ ಚಮಚ ಅಡುಗೆ ಸೋಡಾ
20 ಗ್ರಾಂ ಒಣ ದ್ರಾಕ್ಷಿ
1/4 ಕಪ್ ಹಾಲು
3/4 ಕಪ್ ಬೆಣ್ಣೆ
ಅರ್ಧ ಚಮಚ ವೆನಿಲ್ಲಾ ಎಸೆನ್ಸ್
ಸಕ್ಕರೆ 1 ಕಪ್
20 ಗೋಡಂಬಿ
ಚಿಟಿಕೆಯಷ್ಟು ಉಪ್ಪು
ಮಾಡುವ ವಿಧಾನ:
ಸ್ಟೆಪ್ 1
* ಒಂದು ಬೌಲ್ನಲ್ಲಿ ಮೈದಾ, ರುಚಿಗೆ ತಕ್ಕ ಉಪ್ಪು, ಬೇಕಿಂಗ್ ಸೋಡಾ ಹಾಕಿ 3 ಸಲ ಚೆನ್ನಾಗಿ ತಿರುಗಿಸಿ ಒಂದು ಬದಿಯಲ್ಲಿ ಇಡಿ.
ಸ್ಟೆಪ್ 2
ಮೊಟ್ಟೆಯನ್ನು ಒಂದು ಬೌಲ್ಗೆ ಹಾಕಿ ಚೆನ್ನಾಗಿ ಕದಡಿ. ಈಗ ಬೆಣ್ಣೆ ಮತ್ತು ಶುಗರ್ ಪೌಡರ್ ಹಾಕಿ ಮಿಕ್ಸ್ ಮಾಡಿ, ಈ ಮಿಶ್ರಣವನ್ನು ಮೈದಾ ಮಿಕ್ಸ್ಗೆ ನಿಧಾನಕ್ಕೆ ಹಾಕಿ.
ಸ್ಟೆಪ್ 3
ವೆನಿಲ್ಲಾ ಎಸೆನ್ಸ್ ಹಾಕಿ ಈ ಎಲ್ಲಾ ಮಿಶ್ರಣವನ್ನು ಚೆನ್ನಾಗಿ ಮಿಕ್ಸ್ ಮಾಡಿ.
ಸ್ಟೆಪ್ 4
ಈಗ ಕೇಕ್ ಟಿನ್ಗೆ ಬೆಣ್ಣೆ ಸವರಿ, ಅದಕ್ಕೆ ಮಿಶ್ರಣ ಹಾಕಿ ಅದರ ಮೇಲೆ ಒಣ ದ್ರಾಕ್ಷಿ ಮತ್ತು ಗೋಡಂಬಿ ಉದುರಿಸಿ.
ಮೈಕ್ರೋವೇವ್ನಲ್ಲಾದರೆ 30 ನಿಮಿಷ (ಕೇಕ್ ತೆಳು ಬ್ರೌನ್ ಬಣ್ಣಕ್ಕೆ ಬರುವ ರೀತಿ ಬೇಯಿಸಿ).
ಗ್ಯಾಸ್ನಲ್ಲಿ ಬೇಯಿಸುವುದಾದರೆ
ಒಂದು ಪ್ಯಾನ್ನ ಮುಕ್ಕಾಲು ಭಾಗದಷ್ಟು ಮರಳು ಹಾಕಿ ಸಾಧಾರಣ ಉರಿಯಲ್ಲಿ ಬಿಸಿ ಮಾಡಿ ಅದರ ಮೇಲೆ ಕೇಕ್ ಮಿಶ್ರಣ ಹಾಕಿಟ್ಟ ತಟ್ಟೆ ಇಟ್ಟು ಮುಚ್ಚಳದಿಂದ ಮುಚ್ಚಿ ಬೇಯಿಸಿ. ಚಾಕುವಿನಿಮದ ಚುಚ್ಚಿದಾಗ ಮಿಶ್ರಣ ಚಾಕುವಿಗೆ ಅಂಟದಿದ್ದರೆ ಮಿಶ್ರಣ ಬೆಂದಿದೆ ಎಂದರ್ಥ.